Այն, որ ասիական երկրների հանդեպ հետաքրքրությունը մեր երկրում աննախադեպ է, դա անհերքելի փաստ է:
Դրա լավագույն օրինակը չինարեն լեզվի և մշակույթի տարածման առաջամարտիկ հանդիսացող Կոնֆուցիուսի ինստիտուտի գործունեությունն է:
Հարկ է նշել նաև ժամանակակի կինոյի գուռո, կորեացի ռեժիսոր Կիմ Կի–Դուկի երևանյան այցը, որը տեղի ունեցավ «Ոսկե Ծիրան-2014» կինոփառատոնի շրջանակներում:
Պարոն Կիմն այնպիսի աժիոտաժ էր առաջացրել մեր քաղաքում, որ մեզ` կինոսերներիս, արվեստագիրներիս դեռ երկար ժամանակ էր պետք ուշքի գալու համար…
Այո‘, Հայաստանում գնալով մեծանում է սերը կորեականի, չինականի հանդեպ:
Թեև բացառություն չէ նաև Ճապոնիան, որն այստեղ հավուր պատշաճի ներկայացվում է Հիքարի կենտրոնի, սակավաթիվ, բայց յուրահատուկ կոլորիտ հաղորդող ճապոնական համայնքի, նորաբաց դեսպանատան, ու… իհարկե հաճախակի կազմակերպվող կինոփառատոնների շնորհիվ…
Այժմ կխոսենք հենց կինոփառատոնի մասին, որն այս անգամ անկացվեց հունվարի 14-ից 17-ը` Երևանում, Էջիմիածնում ու Գյումրիում:
Ճապոնական ֆիլմերի հերթական տոնն այս անգամ կրում էր «Գլխավոր դերում` կանայք» խորագիրը և հագեցած էր վերջին ժամանակների ծագող արևի երկրի կինոարտադրության հետաքրքիր, ինչպես նաև սոցիալական ուղղվածություն ունեցող ֆիլմերով:
Ընդհանուր առմամբ, փառատոնի շրջանակներում ցուցադրվել է 6 ֆիլմ, որոնց թվում են` «Տոկիոյի անհաջողակները», «Տոնական մորատորիումի ժամանակը», «Ծաղկաթերթի պարը», «Իմ փոքրիկ մղձավանջը», «Հրաժեշտ 15-րդ գարնանը» և «Աիկո–չան» կինոկտավները:
Բոլոր ցուցադրություններն անցկացվել են «Մոսկվա» կինոթատրոնի կապույտ դահլիճում ու հանդիսատեսի պակաս չեն ունեցել…
Հայաստանի Հանրապետությունում Ճապոնիայի արտակարգ և լիազոր դեսպան Էյջի Տագուչին (ով ի դեպ ուսումանսիրում է մեր մայրենի լեզուն), փառատոնի բացման իր ողջույնի խոսքում ասում էր, որ այս միջոցառման գլխավոր նպատակը մեզ հայերիս ավելի հաղորդակից դարձնելն է «Ծագող արևի» երկրին, նրա բնակիչների ապրելակերպին, սովորույթներին ու մշակույթին:
Զերծ մնալով ցուցադրված ֆիլմերի կարճ նկարագրությունից, հարկ եմ համարում նշել թեև այն կարևորագույն դասերը, որոնք հանդիսատեսը պետք է քաղի դրանք դիտելիս:
Առաջին հերթին, չհանձնվել, քանի որ յուրաքանչյուր քայլ դա մի հնարավորություն է երազանքին հասնելու համար: Եթե սխալվեցիր, մի ընկճվիր, ոտքի կանգիիր, քանզի հաջողության հասնելու գրավականը սխալների մեջ է…
Հունվարի 16-ին տեղի ունեցավ նաև բանավեճ-քննարկում հայ կինոքննադատի և ճապոնացի ռեժիսորներ Հիրոշի Իշակավայի և Յասուհիրո Յոշիդայի միջև:
![[:am]Միքայել Մարգարյան[:ru]Микаэл Маркарян[:en]Michael Margaryan](http://arvestagir.am/wp-content/uploads/2015/05/MichMarg-300x300-100x100.jpg){kind=avatar}
Թողնել մեկնաբանություն