Մարտի 20-ին Հայաստանի Նորարար փորձառական արվեստի կենտրոնում բացվեց «Կնոջ կերպարը Իրանի ժամանակակից արվեստում» խորագրով ցուցահանդես: Ցուցահանդեսի համադրողը Շաքե Ա. Պետրոսյանն է: Կնոջ կերպարն արևելքում ավելի քան որևէ այլ տեղ խնդրահարույց է և տարբեր արևմտյան ընկալումներից: Ցուցահանդեսը խնդիր ուներ ներկայացնելու ոչ միայն կնոջ կերպարը Իրանի ժամանակակից արվեստում, այլ նաև կնոջ ընկալումը, տարբերությունները արևմտյան մշակույթը կրող հասարակությունների հետ, ինչպես նաև գեղեցկության չափանիշների տարբերությունները: Ներկայացված էին թե լուսանկարչական և թե գրաֆիկական աշխատանքներ, ինչպես նաև վիդեո-արտի օրինակներ: Ցուցահանդեսի մասնակից արվեստագետներից էին Ջասեմ Ղազբանփուրը, Մեհրաբան Մեհրաբին, Ֆարիբորզ Միրքաբիրին, Ֆարիդե Շահսավարանին, Սադեղ Սաֆային, Արշիա Հուշմանդը, Էհսան Միրհոսեյնին, Շիվա Էյնին, Քավե Խոսրավին, Հոջջաթ Ամանին և ուրիշներ:
![[:am]«Արվեստագիր»[:ru]«Арвестагир»[:en]](http://arvestagir.am/wp-content/uploads/2015/03/Arvestagir_am_Logo_lable_300x300-100x100.jpg){kind=logo}
Թողնել մեկնաբանություն