+374 99 12 80 82 Երեքշաբթի - 24 Սեպտեմբեր 2019

Տիկնիկները՝ որպես կիրառական արվեստ


Մարդկության պատմության ընթացքում տիկնիկը միշտ շատ խորհրդավոր և բազմանշանակ դեր է կատարել: Այն ուղեկցել է մարդուն տարբեր կերպարանքներով:

Այն այժմ էլ չի կորցրել իր նշանակությունը, կատարելով բազմատեսակ գործառույթներ. ծիսական, պաշտամունքային, կենցաղային, կրթադաստիարակչական, գեղագիտական և նույնիսկ բուժիչ (տիկնիկային թերապիա հոգեբանության մեջ), իսկ հեղինակային տիկնիկների պարագայում դրանք ձեռք են բերում արվեստի ստեղծագործության կարգավիճակ: Կիրառական արվեստի այս նմուշները հաճախ քանդակի նշանակություն են ստանում, հաճախ էլ՝ ծառայում որպես զարդարանք: Աշխարհի տարբեր, ինչպես և մեր հարևան երկրներում վաղուց գործում են  տիկնիկների կամ խաղալիքների թանգարաններ, որտեղ պահվում են ամենահին ծիսական տիկնիկներից մինչև ժամանակակից՝ գործարանային արտադրության կամ հեղինակային տիկնիկներ: Հայաստանում սակայն, նման թանգարան չկա: Marina-KhachmanukyanԲացառություն է թերևս Հ. Թումանյանի անվան պետական տիկնիկային թանգարանի նախասրահի փոքրիկ ցուցադրությունը, որտեղ ներկայացված են թատրոնի «հին աշխատակիցները»: Տիկնիկների թանգարանի բացակայությունը մտահոգիչ է համարում հնագետ և արվեստաբան Մարինա Խաչմանուկյանը, ով օրերս հիմնադրել է http://www.kukliarm.com «Жизнь Кукол» («Տիկնիկների կյանքը») վիրտուալ թանգարանը: Ըստ նրա, ամբողջ աշխարհում մեծ է հետաքրքրությունը տիկնիկների հանդեպ և մտահոգիչ է, որ Հայաստանում այն մեծ ուշադրության չի արժանանում: Նա նաև նշում է, որ կան բազմաթիվ հետաքրքիր տիկնիկագործներ՝ ուրույն ձեռագրով և հետաքրքիր գաղափարներով, որոնց քչերն են ճանաչում: Ահա թե ինչու Մարինա Խաչմանուկյանը հավաքում է բոլոր այդ հեղինակներին մեկ հարկի տակ՝ իր վիրտուալ թանգարանում: Նա նաև տիկնիկների կոլեկցիոներ է և ժամանակ առ ժամանակ կազմակերպում է տիկնիկների տարաբնույթ ցուցահանդեսներ: Տիկնիկների հանդեպ այս հետաքրքրությունը միանգամայն  տեղին է, քանի որ դրանք՝ ինչպես ցանկացած այլ ստեղծագործություն օժտված են կերպարայնությամբ ու մարդկային ստեղծագործ մտքի արդյունք են: Յուրաքանչյուր տիկնիկ ունի իր պատմությունը, կերպար ու բնավորություն: Այսպես՝ «Տիկնիկների կյանքը» վիրտուալ թանգարանը մեզ հնարավորություն է տալիս ետ գնալ մանկություն, հիշել, գուցե ճանաչել մեր մանկության տիկնիկները:

Ձեզ ենք ներկայացնում հայ տիկնիկագործների աշխատանքներ, ինչպես նաև Մարինա Խաչմանուկյանի հավաքածուից նմուշներ:

Tiknik-006

Հայկական հեղինակային տիկնիկագործության հիմնադիր Սոֆյա Աշխարումովայի տիկնիկներից

Tiknik-008

Հայկական հեղինակային տիկնիկագործության հիմնադիր Սոֆյա Աշխարումովայի տիկնիկներից

Tiknik-016

Հայաստանում առաջին տիկնիկագործներից մեկի՝
Մարի Երկաթի տիկնիկներից

Tiknik-009

Հայաստանում առաջին տիկնիկագործներից մեկի՝ Մարի Երկաթի տիկնիկներից

Tiknik-013

Տիկնիկագործ Վետա Գրիգորյանի տիկնիկներից

Tiknik-015

Տիկնիկագործ Վետա Գրիգորյանի տիկնիկներից

Tiknik-010

Տիկնիկագործ Իրինա Վանյանի տիկնիկներից

Tiknik-011

Տիկնիկագործ Իրինա Վանյանի տիկնիկներից

Tiknik-012

Մարիամ Խարազյանի՝ գոբելենից պատրաստված պոետիկ տիկնիկները

Tiknik-005

Մարիամ Խարազյանի՝ գոբելենից պատրաստված պոետիկ
տիկնիկները

Tiknik-007

Նկարչուհի, դիզայներ, ռեժիսոր և մուլտիպլիկատոր Աննա Քոլոզյանի պատրաստած տիկնիկները

Tiknik-014

Նկարչուհի, դիզայներ, ռեժիսոր և մուլտիպլիկատոր Աննա Քոլոզյանի պատրաստած տիկնիկները

Tiknik_001

Մարինա Խաչմանուկյանի տիկնիկների հավաքածուից

Tiknik-002

Մարինա Խաչմանուկյանի տիկնիկների
հավաքածուից

Tiknik-003

Հայկական ծիսական տիկնիկներ

Tiknik-004

Հայկական ծիսական տիկնիկներ


Թողնել մեկնաբանություն

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով