Մարտի 12-ին Գաֆէսճեան արվեստի կենտրոնը ներկայացրեց 2015 թվականի անդրանիկ ցուցադրությունը՝ «Սահակ Պողոսյան. մեծ մորս աչքերի լռությունը» խորագրով: Ներկայացված էին Սահակ Պողոսյանի տասնմեկ աշխատանքները, որ արվեստագետի վերջին շրջանի ամենածավալուն պրոեկտներից է: Ցուցահանդեսի համադրողը Նազարեթ Կարոյանն է: Արվեստագետն այսպիսով բարձրաձայնել է 1915 թվականի հայոց ցեղասպանության թեման, որը երկար տարիներ եղել է նրա մեծ մոր լռության պատճառը: Ներկայացված աշխատանքներից 9-ը ստեղծված են հին հայկական մենդարներ հիշեցնող բազմագույն կտորներից, որ զմրսված են պարաֆինով:
Այսօրինակ զմրսումն ինքնին յուրահատուկ տարբերակ է հիշողությունը թաքցնելու ու պահպանելու մոմի հաստ շերտի տակ: Միևնույն ժամանակ արվեստագետը չի թաքցնում ցավն ու մեկ այլ աշխատանքում ներկայացնում է մեծ մոր ականջողերը` հիշողությունների մեկ այլ խորհրդաբանություն, որ ներակայանում են իբրև սառած ու վախեցած աչքեր: Ցուցադրության ավարտին Սահակ Պողոսյանը ներկաներին նվիրեց ցուցահանդեսի կատալոգն իր ստորագրությամբ:
Լուսանկարները՝ Հասմիկ Բարխուդարյանի:
![[:am]«Արվեստագիր»[:ru]«Арвестагир»[:en]](http://arvestagir.am/wp-content/uploads/2015/03/Arvestagir_am_Logo_lable_300x300-100x100.jpg){kind=logo}
Թողնել մեկնաբանություն