Մայիսի 29-ին ‹‹Դալան արտ›› ցուցասրահում տեղի ունեցավ Նարեկ Վան Աշուղաթոյանի ‹‹Մասնիկապատում›› խորագիրը կրող ցուցահանդեսը: Ցուցահանդեսի խորագիրը ցուցասրահ մտնելուց անմիջապես հետո դառնում է հասկանալի: Երիտասարդ նկարչի պատկերած յուրաքանչյուր մասնիկ ‹‹անհատականություն›› է ու առանձին դեր ունի նկարում: Այդ պատկերները ցուցադրում են Բաբելոնյան աշտարակի կառուցումից մինչև հին Երևանի ոչնչացումը: Նարեկի աշխատանքներում զգացվում է նաև նրա Աստվածաբանական կրթությունը, հատկապես մանրանկարչական արվեստին շատ լավ ծանոթ լինելը: Մասնիկների միացումը ցուցահանդեսի այցելուն կարող է տեսնել հինգ րոպեանոց անիմացիայում, որը ուզեկցվում բարձրաճաշակ երաժշտությամբ՝ ամեն մասնիկի պատմությանը իր երաժշտությունը:
Բացման խոսքում Նարեկ Վան Աշուղաթոյանը նշեց նաև, որ նկարներում պատկերված յուրաքանչյուր մասնիկ իր պատմությունն ունի, քանի որ ամեն մասնիկի վրա երկար ժամանակ է ծախսվել: Նա նշեց նաև, որ նկարները արտահայտում են իր ներքին փոքրիկ քաղաքը՝ ‹‹Նարեկավանը››:
Ցուցահանդեսը բաց է լինելու մինչև հունիսի 4-ը:
![[:am]«Արվեստագիր»[:ru]«Арвестагир»[:en]](http://arvestagir.am/wp-content/uploads/2015/03/Arvestagir_am_Logo_lable_300x300-100x100.jpg){kind=logo}
Թողնել մեկնաբանություն