Հունվարի 25-ին «Արվեստագիրը» ներկա էր Գևորգ Ջորջ Քասաբյանի «Արվեստը հնարավոր է, 401 օր» ցուցահանդեսին, որը տեղի ունեցավ Հայաստանի նկարիչների միությունում: Համադրողը` իտալացի Պիետրո Ֆրանեզին է: Ցուցահանդեսի ընթացքում այցելուները հնարավորություն ունեցան ծանոթանալու արվեստագետի նոր աշխատանքներին` «վերջին 401 օրերի» ընթացքում ստեղծած գործերին: Գևորգ Ջորջ Քասաբյանը անդավաճան էր իրեն հատուկ մինիմալիստական ոճին : Այս անգամ նկարիչն անդրադաձել էր կնոջ մարմնի նրբագեղությանը, ներկայացրել հիպերռեալիստական սև և սպիտակ կտավներ, որոնք դիտողին գրավում են նուրբ անցումներով և մանրամասն մշակմամբ: 
Նկարչին հաջողվել է մինիմալ միջոցնեով առավելագույն զգայականության հասնել: Քանդակային աշխատանքները միևնույն ձևերի տարածական արտահայտումն են, որոնք գրավում են հատկապես նյութով և կառուցվածքով: Կնոջ մարմնի ձևերը հիշեցնող և դրանք կարծես կրկնող մեկ այլ շարքում ներկայացված ապակենման աներևույթ նյութը գունագեղ ու լուսավոր տրամադրություն է հաղորդում ցուցահանդեսին: Այն կարծես ներկայացված քանդակային և գեղանկարչական գործերի միավորումն է , կարծես գտնվում է այդ երկուսի սահմանագծին: Գևորգ Ջորջ Քասաբյանը առանձնանում է իր «գիտելիքահենք» արվեստով, որտեղ յուրաքանչյուր ստեղծագործություն ունի իր ստեղծման տեխնիկական «գաղտնիքը» սկսած հենց նյութի ծագումից: Ահա թե ինչու, ցուցահանդեսի ընթացքում այցելուների շուրթերին մեկ հարց էր` «Ինչպե˚ս է սա արված»: Այդ և շատ այլ հարցերի պատասխանները ստանալու համար արվեստասերնեը հնարավորություն կունենան դիտելու ցուցահանդեսը ևս երկու օր:
Լուսանկարները՝ Հասմիկ Բարխուդարյանի:
![[:am]Հասմիկ Բարխուդարյան[:ru]Асмик Бархударян[:en]Hasmik Barkhudaryan](http://arvestagir.am/wp-content/uploads/2014/03/HasArvestagir-100x100.jpg){kind=avatar}
![[Նոր գիրք] Այսպիսին է Վան Գոգը](http://arvestagir.am/wp-content/uploads/2019/04/This-is-Van-Gogh.jpg)
Թողնել մեկնաբանություն