Արվեստը հետաքրքիր է երբ բացահայտում է նորը՝ զգացողական, տեսողական եւ մարդկային ընկալումների հնարավոր բոլոր ասպարեզներում: Ժամանակակից տենոլոգիաների հետ համընթաց արվեստն հնարավորություն է ստացել նոր հայտնագործություններով վերազինվել ու խտացնելով մեր զգացողությունները: Այսպիսին են «Հայելի» խորագրով գրքի երգող լուսանկարները ՝ լուսանկարիչ Արա Օշականի, երգիչ, երգահան Գոռ Մխիթարյանի նոր նախագիծը: Այս համագործակցությանը միանում է դիտողը: Հեռախոսով ակտիվացնելով Auresma հավելվածը եւ լուսանկարների վրա տեղադրելով հնչում է Գոռ Մխիթարյանի երաժշտությունը, հաճախ նաեւ տեսահոլովակը:
Այս նախագծի մյուս հատվածը Լոս Անջելես – Թուֆենկյան պատկերասրահում կայացած շնորհանդեսն է` գրքի մեծադիր լուսանկարների ցուցադրությամբ, որոնք նույնպես կենդանանում են բջջային հեռախոսի օգնությամբ: Ցուցադրության բացման օրը ելույթ ունեցավ Գոռ Մխիթարյանի ու իր խումբը:
«Տարիներ շարունակ ես լուսանկարել եմ Գոռին,-ասում է Արա Օշականը,-ինձ համար նա հայերեն լեզվող առաջին կատարողներից էր, ում հանդիպեցի այստեղ` Լոս Անջելեսում: Մեր ծանոթությունը վերածվեց ընկերության: Լուսանկարների քանակն արդեն մեզ միտք տվեց այն գրքի վերածել»:
Գրքում պատկերված լուսանկարների կողքին նշված կարմիր վանդակը հուշում է, որ հեռախոսային Auresma հավելվածը կարտաբերի համապատասխան երգը, միայն պետք է սեղմել Play կոճակը:
«Ստեղծագործական գործընթացն է, որ ինձ գրավել է, ասում է Արա Օշականը,- և գրքում էլ ներառված լուսանկարներն էլ այդ մասին են: «Հայելին» տեսողական և ձայնային արվեստի սահմանների համագործակցությունն է, որը հնարավոր դարձավ ինտերակտիվ տեխնոլոգիայի միջոցով»:
Մի ընդհանուր ներդաշնակցություն է ստեղծված լուսանկարից դեպի երաժշտության անցման մեջ: Ցուցադրության ներկայացված լուսանկարներն էլ ինչպես նշում է Արան` ստեղծագործական գործընթացքի պահերն են. երգի կատարման, համերգի նախապատրաստման, բեմի ձեւավորման, ձայնագրման, լույսի, միկրաֆոնի ստուգման, փորձի ժամանակ, որը կարծես վայրկենական դադար է և ուր որ է կտեսնենք հաջորդ պահը: Իսկ երգը իհարկե, կսկսվի, եթե միացնենք մեր հեռախոսային հավելվածը: Գրքում ներառված են նաև երգերի ձեռագիր տեքստերը:
![[:am]Անի Թադևոսյան[:ru]Ани Тадевосян[:en]Ani Tadevosyan](http://arvestagir.am/wp-content/uploads/2016/02/AnTad200x200-100x100.jpg){kind=avatar}
Թողնել մեկնաբանություն