ՏՈՄԱՐ ԳՐԻԳՈՐՅԱՆ Հռոմ, տպագրությունը Դոմինիցի Բազէի, 1584 թվական: Սա Հռոմի Գրիգոր 13-րդ պապի կողմից հաստատված Նոր տոմարն է, որը լատիներենից հայերեն են թարգմանում և տպագրում Սուլթան շահը, Հովհաննես Տերզնցին և նրա որդին՝ Խաչատուրը: Տպագրվում է նաև տոմարի վերաբերյալ պապական կոնդակը բացատրություններով: Գիրքը տպագրված է սուլթանշահ – գրանժոնյան բոլորագիր տառատեսակով, որ ստեղծվել էր 1579թ. Սուլթան շահի …
ՊԱՏԱՐԱԳԱՏԵՏՐ Վենետիկ. Տպ. Հակոբ Մեղապարտի, 1513 Տիտղոսաթերթ՝«պատարագաՏետր է սայ յ(իսուս)ի ք(րիստոս)ի ա(ստծո)յ»: Հակոբ Մեղապարտի կողմից արված թվագրությամբ 4-րդ տպագիր գիրքն է: Այն ներկայացնում է պատարագի կարգը հայ եկեղեցում: Բաղկացած է 88 էջից: Էջակալում չունի: Տպագրությունը կատարված է սև և կարմիր ձեռագրանման բոլորագրով: Հակոբ Մեղապարտի գրքերից միայն սա ունի հիշատակարան:
ՈՒՐԲԱԹԱԳԻՐՔ: Տիտղոսաթերթին՝ «անուն գրոցս է Սուրբ ուրբաթագիրք»: Հայ առաջին տպագիր գիրքն է արված ՝ հայ տպագրության հիմնադիր ՀակոբՄեղապարտի կողմից, բաղկացած է 124 էջից: Տպագրությունը կատարված է սև և կարմիր ձեռագրանման բոլորագրով: Էջակալում չունի: Այն ունեցել է կիրառական նշանակություն, մեծ մասամբ վաճառականների կողմից է օգտագործվել: Աղոթքների ու մաղթանքների ժողովածու է: Կան մարդուն կախարդական միջոցներով չար ուժերից …
