Ճարտարապետության ազգային թանգարան-ինստիտուտում մարտի 29-ին, 2016թ. ժ. 15:00-ին կբացվի Սանկտ-Պետերբուրգի խոշորագույն թանգարաններից մեկի` Կրոնների պատմության պետական թանգարանի հավաքածուից` «Երուսաղեմի ռուսական և հայկական սրբավայրերը» լուսանկարների ցուցահանդեսը: Այն կտևի մինչև մայիսի 5-ը:
Մարտի 26-ին, 2016թ. ժ. 18:00-ին հրավիրում ենք բոլորին ներկա գտնվելու հատուկ հանդիպման Միրզոյան գրադարանում, որի ընթացքում կներկայացվի ամերիկյան ավանգարդի երկփուլ կայացման պատմությունը` հիմնվելով Արշիլ Գորկու միայն մեկ կտավի ուսումնասիրության վրա: Դասախոսությունը կվարի արվեստի քննադատ, արվեստագիտության թեկնածու, Երևանի Գեղարվեստի պետական ակադեմիայի ավագ դասախոս Աննա Գալստյանը: Մուտքն ազատ է:
«Զանգակ» հրատարակչությունը շարունակում է հայ ընթերցողին ներկայացնել համաշխարհային գրականության լավագույն ստեղծագործությունների թարգմանությունները: Մարտի 24-ին, 2016թ. ժամը 18:00-ին Լոֆթում տեղի կունենա Խալեդ Հոսեյնի «Եվ արձագանքեցին լեռները» գրքի շնորհանդեսը: Մուտքն ազատ է:
